ગુજરાતીલેક્સિકોન-ઉત્કર્ષ ટીમનો બ્લોગ
* તમે હવે નવાં આકાર અને રેખા ગુજરાતી યુનિકોડ ફોન્ટસ (આવૃતિ ૦.૨) ઉત્કર્ષનાં ડાઉનલોડ પાનાં પરથી મેળવી શકશો. આ ફોન્ટ વાપરવામાં તમને કંઇ પ્રોબ્લેમ, પરેશાની કે મુશ્કેલીઓ પડે તો, તમારાં સૂચનો અહીં કોમેન્ટ તરીકે કરો અથવા ઉત્કર્ષની સાઇટ ઉપરથી સંપર્ક કરો.
* તમે વર્ડ ઓફ ધ ડે ફીચર ગુજરાતીલેક્સિકોનની સાઇટ પર જોયું જ હશે. હવે તમે તેની RSS ફીડ પણ મેળવી શકો છો. RSS શું તે વધુ વિગતે જાણવા માટે તેનું વીકીપીડીઆ પાનું જોઇ શકો છો.
તમે પ્રથમ તો, આ લિંક બ્રાઉઝરમાં ખોલો: http://www.gujaratilexicon.com/wordofday.xml
તમને આ પ્રમાણે જોવા મળશે (ફાયરફોક્સ બ્રાઉઝરમાં..) સ્ટેપ બાય સ્ટેપ જાવ!!
૧. આ યુઆરએલ તમારા બ્રાઉઝરમાં ખોલતા, આ પ્રમાણે દેખાશે..
૨. આ પછી સબસ્ક્રાઇબ બટન પર ક્લિક કરો. અને તમને બુકમાર્ક તરીકે ઉમેરવાનું પૂછાશે. Add બટન પર ક્લિક કરો..
.. અને વધુમાં જો તમે iGoogle નો ઉપયોગ કરતાં હોવ તો, અા લિંક http://www.google.com/ig/add?feedurl=http://gujaratilexicon.com/wordofday.php&client=firetools&hl=en
પર તમે જઇ તેને તમારા પેજમાં વર્ડ ઓફ ધ ડે ઉમેરી શકો છો.
* જુઓ સ્ક્રિનશોટ..
આ માટે જનક અને પીએચપી ટીમનો આભાર!!
ગુજરાતીલેક્સિકોનની નવી સાઇટ તાજેતરમાં જ મૂકવામાં આવી છે. આ નવી સાઇટમાં નવાં દેખાવ સાથે અનેક નવતર સુવિધાઓ પણ ઉમેરવામાં આવી છે.
* નવો નયનરમ્ય, સુગમ દેખાવ
* દરેક વિભાગ (ડિક્શનેરીઓ, કહેવતો, થિસોરસ, વિરુધ્ધાર્થ વગેરે) માં જવા માટે પ્રથમ પાનાં પર લિંક
* વર્ડ ઓફ ધ ડે
* નવી સૂચન પધ્ધતિ. તમને કોઇ શબ્દ ન મળે કે નવો શબ્દ મળે તો અમને તરત જ મોકલવાની સુવિધા.
* સન્ડે ઇમહેફિલ - સન્ડેને સરસ બનાવતી આ PDFને હવે માણો, સાઇટ ઉપર!
* ઓપિનિયન - વિપુલભાઇનું આગવું સામયિક હવે સાઇટ ઉપરથી તમે ડાઉનલોડ કરી શકો છો.
* અને ઘણું બધું…
તો, સાઇટની મુલાકાત લો અને તમારા સૂચનો અહીં અથવા ફીડબેક ફોર્મ દ્વારા મોકલી આપો!
મીનાબહેનને તેમની વાર્તા ‘સોના’ માટે રીડગુજરાતી.કોમ તરફથી આંતરરાષ્ટ્રીય વાર્તા સ્પર્ધા - 2006 માટે બીજું સ્થાન મળ્યું છે.
ઉત્કર્ષ-ગુજરાતીલેક્સિકોન ટીમ તરફથી તેમને ખૂબ-ખૂબ અભિનંદન.
આજકાલ યુનિકોડ વિશે બહુ સંભળાય છે. યુનિકોડ ફોન્ટનાં નામની બુમો બધા ગુજરાતી બ્લોગ પર તમે સાંભળી જ હશે. ખાસ કરીને તમે જો જુની પુરાણી વિન્ડોઝ ૯૮ સિસ્ટમ ધરાવતા હોવ તો, તમે મુશ્કેલી તો અનુભવી જ હશે.
યુનિકોડ એટલે યુનિવર્સલ કોડ. ISO ની જેમ યુનિકોડ એક સ્ટાન્ડર્ડ છે. અને આ સ્ટાન્ડર્ડ છે - કમ્પ્યુટરમાં વપરાતાં ફોન્ટસ માટે. હવે, પહેલાં એવું થતું કે દરેક કંપની અને સ્વત્રંત રીતે સોફ્ટવેર ડેવલપર પોતાની રીતે ફોન્ટસ બનાવતાં અને પોતાની અનુકુળતા મુજબ અંગ્રેજી કી-બોર્ડ પર પોતાની ભાષાનાં અક્ષરોનું મેપિંગ કરતાં. થોડા સમય પછી એવું થયું કે ઘણાં બધા કી-બોર્ડ લેઆઉટ (દા.ત. ટાઇપરાઇટર, ઇન્સ્ક્રિપ્ટ..) અને ફોન્ટસ નીકળ્યા. દરેક ફોન્ટને પોતાનું અલગ કી-બોર્ડ લેઆઉટ હતું. અને છેવટે કમ્પ્યુટર પર ગુજરાતી શીખવા માંગતાં, મારાં તમારાં જેવા સામાન્ય વ્યક્તિઓને બહુ લોચા થવા લાગ્યા.
છેવટે, નક્કી થયું કે એક ચોક્કસ સ્ટાન્ડર્ડ બનાવવાનું. આ મુજબ દરેક ભાષાને ચોક્કસ મર્યાદા સુધીનાં આંકડાઓ ફાળવી દેવામાં આવ્યા. દા.ત. ગુજરાતીનાં ભાગે 0A81 થી 0AF1 સુધીનાં આવ્યા. તમને થશે - આ F વચ્ચે ક્યાંથી આવ્યો? આ હેક્સાડેસિમલ નંબર છે અને આપણે તેની માથાકૂટમાં અત્યારે નહી ઉતરીએ!
આ આંકડાઓ નક્કી થઇ ગયા પછી તેમાં કોઇપણ ફોન્ટ જો યુનિકોડમાં બનાવો તો ફેરફાર થતો નથી. દરેક ફોન્ટ માટે તે સમાન રહે છે. અને વળી નવું કી-બોર્ડ લેઆઉટ બનાવવું હોય તો તમારે માત્ર આ આંકડાઓ જ આપવાનાં રહે છે. એટલે જ એક જ ફોન્ટમાં તમે વિવિધ કી-બોર્ડ લેઆઉટ વાપરી શકો છો. છે ને મજા? માઇક્રોસોફ્ટનાં શ્રુતિ (વિન્ડોઝ xp જોડે આવે છે) અને એરિયલ યુનિકોડ (જે ફ્રી નથી) યુનિકોડ ફોન્ટ છે. ઉત્કર્ષ ટીમનાં યુનિકોડ ફોન્ટ આકાર અને રેખા છે. બીજાં ઘણાં બધા યુનિકોડ ફોન્ટસ મળે છે. વિન્ડોઝ ૨૦૦૦ પછીની અને લિનક્સ ઓપરેટિંગ સિસ્ટમસ યુનિકોડને પૂરો આધાર આપે છે.
તો લખો તમારી એક કોમેન્ટ નીચે - યુનિકોડ ગુજરાતી ફોન્ટમાં!
